Boed chi eisoes yn cymryd rhan mewn chwaraeon neu’n dymuno trio rhywbeth newydd, mae yna ddigonedd o gyfleusterau chwaraeon ar gael ledled Gogledd Ddwyrain Cymru.
Mae’r rhain yn cynnwys canolfannau chwaraeon, lleoliadau cadw’n heini a digwyddiadau chwaraeon.
Mae gan Byd Dŵr, yn nghanol tref Wrecsam, chwip o bwll nofio chwe lôn 25m a chanolfan ffitrwydd ynghyd â chyfleusterau eraill fel sawnau ac ystafelloedd stêm.
Mae yna gyfleusterau trac ar gael yng Nghanolfan Chwaraeon Queensway, a chanolfannau ffitrwydd a chadw’n heini eraill gan gynnwys Total Fitness a Fitness First.
Mae’r rhan fwyaf o leoliadau chwaraeon yn cynnig gostyngiadau i aelodau sy’n fyfyrwyr. Mae yna hefyd nifer o ganolfannau hamdden a phyllau nofio yn yr ardaloedd o gwmpas.
Mae bod mor agos at gefn gwlad Gogledd Cymru yn golygu fod yna ddigonedd o gyfleoedd ar gyfer cerdded, marchogaeth, seiclo, beicio mynydd, trywyddu a mwynhau cefn gwlad.
Mae yna lawer o barciau gwledig a llwybrau gyda golygfeydd godidog yn Ngogledd Ddwyrain Cymru gan gynnwys Parc Gwledig Dyfroedd Alyn, Parc Gwledig Loggerheads a Llwybr Clywedog.
I’r rheiny sydd eisiau ychydig mwy o her, mae yna ddigon o lwybrau heicio yng Ngogledd Cymru.
Mae Llangollen yn lle poblogaidd i ganŵ-wyr ac yn lleoliad ar gyfer sawl cystadleuaeth fawreddog. Yn ogystal mae yna ganolfannau ar gyfer plymio a rafftio dŵr gwyn yn Eryri.
Os oes yn well gennych chi wylio chwaraeon, mae campws Plas Coch drws nesaf i’r Cae Ras, sef maes Clwb Pêl-droed Wrecsam.
Drws nesaf ar yr ochr arall y mae Canolfan Tennis Rhanbarthol Gogledd Cymru.
Y Llawr Sglefrio ar Rew yng Nglannau Dyfrdwy yn Queensferry yw’r Ganolfan Genedlaethol ar gyfer Chwaraeon Rhew yng Nghymru. Mae’n darparu ar gyfer amrywiaeth o weithgareddau a chwaraeon rhew, gan gynnwys Hoci Rhew, Cwrlo a Disgo ar Rew. Yma hefyd y cynhelir Sioeau Rhew o bryd i’w gilydd gan Glwb Sglefrio ar Rew Glannau Dyfrdwy.
