Rhaglenni israddedig rhan-amser

Rydym yn deall yn iawn fod gan bawb ffyrdd gwahanol o fyw eu bywydau ac o wneud lle i’r pethau y maent am eu cyflawni.

Rydym yn cefnogi miloedd o bobl i astudio yn fwy hyblyg, mewn ffordd sy’n gweddu i’w hanghenion unigol nhw, ac rydym yn gwneud hynny trwy gynnig llawer o’n cyrsiau yn rhan-amser.

Darllenwch fwy ynghylch astudio’n hyblyg ym Mhrifysgol Glyndŵr

I wneud cais am le ar unrhyw un o’n rhaglenni rhan-amser bydd yn rhaid i chi wneud cais yn uniongyrchol i Brifysgol Glyndŵr. Cysylltwch â’r tîm Ymholiadau a Derbyniadau a fydd yn rhoi gwybodaeth lawn a ffurflen gais ar bapur i chi:

Ebost: sid@glyndwr.ac.uk
Ffôn: 01978 293439

Neu gallwch lawr lwytho copi o’r ffurflen gais yma.

Ysgrifennu Datganiad Personol

Mae’n bosibl mai ysgrifennu Datganiad Personol yw rhan anoddaf y broses ymgeisio ar gyfer y rhan fwyaf o ymgeiswyr. Peidiwch â phoeni – rhowch gymaint o amser â phosibl i chi eich hun i’w gynllunio ac i chwilio am y cyngor sydd ar gael.

Ambell bwynt i’w cadw mewn cof wrth gynllunio ac ysgrifennu eich Datganiad Personol:

• pam ydych chi’n gwneud cais am y cwrs (cyrsiau) penodol yr ydych wedi’i ddewis?
• pa brofiadau yr ydych wedi’u cael yn barod fydd yn eich helpu i fod yn llwyddiannus yn y brifysgol?
• pa sgiliau a phrofiad y tu allan i’r ysgol/coleg yr ydych chi wedi eu hennill/cael, efallai drwy weithio’n rhan-amser neu drwy eich diddordebau?
• os ydych yn ymgeisydd aeddfed, eglurwch eich rhesymau dros ddychwelyd i addysg a’r profiadau bywyd a fydd o fudd i chi yn ystod eich astudiaethau
• beth yw eich diddordebau? Ydyn nhw’n gallu helpu i esbonio eich rhesymau dros ddewis y cwrs?
• gwnewch yn siŵr eich bod yn cael rhywun arall i ddarllen drwy eich drafftiau ac yn rhoi awgrymiadau i chi ac yn cywiro unrhyw beth sydd angen
• gwnewch yn siŵr bod eich sillafu, gramadeg ac atalnodi yn gywir

Mae gan UCAS glip fideo a deunyddiau cynllunio, fel map meddwl a thaflen waith, yn ogystal â mwy o gyngor. Cliciwch yma i gael rhagor o wybodaeth.