Cyfrifiadura

Mae Cyfrifiadura ym Mhrifysgol Glyndŵr yn faes deinamig sy’n cyfuno egwyddorion craidd y ddisgyblaeth gydag agwedd flaengar at gofleidio datblygiadau newydd ym myd cyflym technoleg gyfrifiadurol.

Datblygir portffolio’r brifysgol o gyrsiau Cyfrifiadura mewn partneriaeth gyda chyflogwyr er mwyn sicrhau bod ein graddedigion yn meddu ar y sgiliau sydd ar ddiwydiant eu heisiau.

Os ydych yn gobeithio datblygu gyrfa fel arbenigwr/wraig cyfrifiadurol, mewn cymorth TG a rheolaeth rhwydwaith neu weithio’n greadigol gyda chyfrifiaduron, gall ein cyrsiau eich darparu gyda’r sylfaen sydd arnoch ei hangen yn ogystal â’r rhyddid i arbenigo.

Mae ein pwyslais cryf ar ymchwil o ansawdd uchel hefyd yn hysbysu cynnwys y cyrsiau a addysgir ar lefel israddedig ac uwchraddedig.

Mae gan y staff ystod eang o arbenigedd yn ogystal â diddordebau ymchwil penodol a phrofiad o weithio gyda diwydiant, ac maent yn frwd dros eu rhannu gyda’r myfyrwyr.

Mae’r arbenigedd yma, yn ogystal â’r gefnogaeth a ddarperir, yn golygu fod addysgu o radd sylfaen hyd at lefel uwchraddedig yn gyson, yn berthnasol ac yn ddiddorol.

Mae gan y brifysgol gyfleusterau cyfrifiadurol helaeth gan gynnwys labordy arbenigol pwrpasol ar gyfer rhwydweithio cyfrifiadurol a stiwdio datblygu gêmau cyfrifiadurol.

Bydd y  Ganolfan Diwydiannau Creadigol  a agorwyd yn ddiweddar hefyd  yn chwarae rôl allweddol mewn addysgu ac ymchwil mewn ystod o feysydd.

Mae Prifysgol Glyndŵr yn cynnal cynhadledd ymchwil i’r rhyngrwyd bob dwy flynedd sy’n denu dirprwyon o bob cwr o’r byd, tra bod y staff hefyd yn cydweithio’n agos gyda Chymdeithas Gyfrifiadurol Prydain.

Mae maes pwnc Cyfrifiadura yn Academi Rhwydweithio Cisco gydnabyddedig.