Prosiect Arweinyddiaeth a Rheolaeth Cymru

Y Ganolfan Ragoriaeth ar gyfer Sgiliau Arwain a Rheoli yng Nghymru

Mae menter £37m i ddatblygu arweinwyr busnes o ddosbarth rhyngwladol yng Ngogledd Cymru wedi cael ei lansio. Arweinir y prosiect hwn gan Brifysgol Caerdydd a’i gyflenwi yng Ngogledd a Chanolbarth Cymru gan Brifysgol Glyndŵr a Tattum Guest Associates. Mae’n helpu i hybu sgiliau arweinyddiaeth a rheolaeth mewn miloedd o fusnesau yn yr ardal.

Mae Arweinyddiaeth a Rheolaeth Cymru (ARC) yn brosiect wedi’i noddi gan Lywodraeth y Cynulliad gyda’r bwriad o wella a hybu sgiliau arweinyddiaeth a rheolaeth yng Nghymru.

Mae ARC yn ymgymryd ag ystod eang o fentrau i hyrwyddo’r damcaniaethau, y dulliau, a’r ymarferion sy’n gysylltiedig â datblygiad rheolwyr ac arweinwyr. Mae’r mentrau hyn yn anelu i helpu busnesau i gwrdd â’r heriau y maent yn eu hwynebu trwy barhau a chynyddu eu natur gystadleuol, ac yn ei dro, eu proffidioldeb.   

Mae ARC yn rhan annatod o’r rhaglen £37m Hybu Sgiliau Arweinyddiaeth a Rheolaeth a ariannir gan Gronfa Gymdeithasol Ewrop a’i rheoli gan Lywodraeth y Cynulliad.

Ein pwrpas

Fel gwasanaeth gwybodaeth a chyfeirio wedi’i anelu at hwyluso Datblygiad Arweinyddiaeth a Rheolaeth (AaRh) mewn busnesau Cymreig, mae ARC yn:

• Datblygu Rhwydweithiau Dysgu ffisegol a rhithiol
• Trefnu digwyddiadau, megis Dewch â’ch Ymennydd i Frecwast a’r gyfres Yr Her
• Cynnal ymchwil, gyda’r nod o:
  - Ddeall darpariaeth ac ymgysylltu cyfredol ag AaRh yng Nghymru
  - Deall safbwyntiau ymarferwyr ynghylch gwerth yr offrwm
  - Dynodi, gwirio-ffeithiau, a hyrwyddo damcaniaeth, ymarfer a darpariaethau AaRh cyfredol
• Cynllunio a hyrwyddo cwricwlwm eang, cynhwysfawr ar gyfer AaRh yn seiliedig ar ganlyniadau’r ymchwil
• Datblygu fframwaith sicrhau ansawdd y gellir ei ddefnyddio gan holl ddarparwyr rhaglenni AaRh yng Nghymru
• Cyhoeddi cyfeiriadur o ddarparwyr AaRh (gyda sicrwydd ansawdd) AaRh yng Nghymru
• Datblygu Safon Datblygu Arweinyddiaeth a Rheolaeth

A hoffech gofrestru eich busnes gyda ni, i ddarganfod mwy a datblygu eich busnes?

Ymwelwch â ni ar-lein yma.