Llety ym Mhrifysgol Glyndŵr

Ym Mhrifysgol Glyndŵr rydym yn gosod y safon ar gyfer llety fforddiadwy o ansawdd uchel.

Os oes angen llety arnoch tra’n astudio ym Mhrifysgol Glyndŵr, byddwn yn falch o drafod eich dewisiadau gyda chi.

Mae ein tîm llety ymroddedig yn sylweddoli fod adeilad yn fwy na dim ond adeilad; mae’n gartref i chi yn ystod eich amser ym Mhrifysgol Glyndŵr, felly byddwn yn eich helpu i ddod o hyd i’r dewis iawn ar eich cyfer chi.

Mae Prifysgol Glyndŵr yn berchen ar ystod eang o letyau i ddewis o’u plith:

• Pentre’r Myfyrwyr
• Gerddi Fictoria
• Neuadd Ffordd y Baddon
• Neuadd Corbishley

Mae’r brifysgol hefyd yn prydlesu ystafelloedd yn Neuadd Snowdon gan yr Opal Property Group ac ym Mhentre Wrecsam, a reolir gan Wrecsam Village Ltd.

Gan ddefnyddio’r dolenni uchod, gallwch weld tudalennau proffil a lluniau o bob un o letyau Prifysgol Glyndŵr.

Gwybodaeth ddefnyddiol

• Mae pob llety yn hunanarlwyol
• Gofynnir i’r myfyrwyr preswyl ddarparu eu llestri/offer coginio a dillad gwely (gan gynnwys cwilt a chobennydd)
• Mae trydan, gwres a gwasanaethau eraill yn y pris, ond yn cael eu monitro
• Gofynnir i fyfyrwyr yswirio eu heiddo personol eu hunain
• Cynigir llety fel a ganlyn:
  - Semester cyntaf – Medi hyd at Chwefror
  - Ail semester – Chwefror hyd at Fehefin
  - Cytundeb sefydlog 37 wythnos o Fedi hyd at Fehefin
  - Mae gan Neuadd Snowdon a Phentre Wrecsam gytundeb sefydlog am 40 wythnos o Fedi hyd at Fehefin.

NB Bydd angen i fyfyrwyr sydd eisiau aros am wythnosau ychwanegol tu hwnt i gyfnod y cytundeb sefydlog wneud cais ar wahân. Ceir gwybodaeth am hyn yn eich telerau ac amodau.

Os ydych yn dymuno byw mewn llety ar rent preifat, rydym wedi gosod meincnod ar gyfer hyn hefyd. Ers 2011, dim ond landlordiaid wedi’u hachredu gan Achredu Landlordiaid Cymru a restrir ar ein cofrestr llety ar y we, sef porth ar-lein o’r enw Pad Myfyrwyr, ble gallwch chwilio am letyau i’w rhentu yn ac o amgylch Wrecsam.

Mae pob cyngor yng Nghymru yn cefnogi’r cynllun ALC, sy’n hyrwyddo landlordiaid ac asiantiaid proffesiynol sy’n rhentu llety o ansawdd uchel wedi’i redeg yn dda. Am fwy o wybodaeth, ewch i’r dudalen Llety Sector Priefat.