Prifysgol Glyndŵr, Llanelwy

Wedi’i leoli yn Llanelwy, sir Ddinbych, mae Prifysgol Glyndŵr, Llanelwy yn ganolfan flaenllaw ar gyfer ymchwil a datblygiad technoleg opto-electronig flaengar.

Mae’r safle yn cynnwys ysgolheigion sy’n cynnal ymchwil i feysydd hynod arbenigol o dechnoleg, ynghyd â busnesau sy’n ceisio datblygu’r dechnoleg honno er dibenion masnachol. Mae’r agwedd fentrus hon o bartneriaeth yn gwneud Prifysgol Glyndŵr, Llanelwy yn rhan allweddol o’r Brifysgol a’r economi leol, genedlaethol a rhyngwladol ehangach.

Ganddynt arbenigedd a chyfleusterau uwch

Agorwyd yr adeilad tirlun trawiadol yma yn 2004 a daeth y safle yn eiddo i Brifysgol Glyndŵr yn 2009. Mae Prifysgol Glyndŵr, Llanelwy yn gartref i’r busnes masnachol OpTIC, gydag enw da gwerthfawr am gynllunio, datblygu a gweithgynhyrchu elfennau a systemau optegol ac opto-fecanyddol manwl. Yn arbennig, mae ganddynt arbenigedd a chyfleusterau uwch ar gyfer:

• Gloywi manwl o swbstradau mawr neu gymhleth fel lensys a drychau
• Drymiau patrymog micro-strwythuriedig – gan ddefnyddio diemwnt drwm unigryw i ddyblygu patrymau/siapiau/strwythurau i oddefiannau a chynlluniau heb eu hail yn y byd
• Ffofoltäeg  ymchwil gymhwysol, profi a gweithgynhyrchu trwy wneud defnydd o ddefnyddiau ffotofoltäeg haen denau uwch.
• Mae ein Canolfan Ymchwil Ynni Heulol (CSER) wedi datblygu enw da rhyngwladol yn ymchwilio i ddefnyddiau a dyfeisiadau ffotofoltäig gwreiddiol.

Dyma rai o lwyddiannau Prifysgol Glyndŵr, Llanelwy yn ystod y blynyddoedd diweddar:

• Dod yn lleoliad ar gyfer prosiect £8m i sefydlu Canolfan o Ragoriaeth ar gyfer arwynebau tra-manwl a strwythuriedig
• Cytundeb gwerth €5m ar gyfer rhannau hecsagonol prototeip 1.4m ar gyfer y telesgôp mwya’n y byd, i’w adeiladu gan yr Arsyllfa Ddeheuol Ewropeaidd yn Chile
• Micro-camera/synhwyrydd datblygiedig ar gyfer dynodi gollyngiadau mewn prif bibelli dŵr gyda Balfour Beatty a Yorkshire Water.

Mae OpTIC Glyndŵr hefyd yn cynnwys canolfan ddeor sy’n darparu swyddfeydd ac ati ar gyfer busnesau newydd o feysydd diwydiant neu academia.

I ddarganfod mwy am y gwaith sy’n cael ei wneud yn OpTIC, gan gynnwys newyddion am y prosiectau diweddaraf, cliciwch yma.