Entrepreneuriaid ifanc yn rhannu syniadau busnes

Mae entrepreneuriaid yn eu harddegau wedi bod yn arddangos eu syniadau busnes gorau i banel o feirniaid prifysgol. 

Gwahoddwyd disgyblion TGAU Blwyddyn 11 o Ysgol Bryn Alyn, Gwersyllt, ac Ysgol Uwchradd Dewi Sant, Saltney, i gymryd rhan mewn cystadleuaeth yn arddull Dragons Den ym Mhrifysgol Glyndŵr ar ddydd Iau 15 Ionawr.

Cyflwynwyd myfyrwyr i’r cysyniad o fenter cyn cael eu rhannu’n grwpiau i drafod syniadau busnes. Yna, ar ddiwedd y dydd, aethont ati i gyflwyno eu syniadau i banel o feirniaid.

Roedd y rhain yn cynnwys Sam Clutton, Swyddog PTG Prifysgol Glyndŵr, a’r cynghorydd gyrfaoedd Nest Thompson, ynghyd â Val Ashall o Gyrfa Cymru a Peter Forshaw o’r Ymddiriedolaeth Ddiwydiannol.

Roedd y cais llwyddiannus am gynnyrch ‘iLyfr’ newydd, sef cyfrifiadur addysgol wedi’i gynllunio i gael ei adeiladu i mewn i ddesgiau disgyblion yn yr ysgol. Roedd noddweddion y cynnyrch yn cynnwys batri oedd yn trydanu’n awtomatig ar ddiwedd y diwrnod ysgol a dolenni â chyfrifiadur athrawon i fonito gwaith disgyblion. 

Esboniodd disgyblion sut y buasent yn goresgyn cost uchel anochel y cynnyrch wrth helpu i hybu busnes llwyddiannus, trwy gynnig bargeinion brasbrynu i gwsmeriaid. 

Dyweodd y beirinaid fod elfen hwyliog, addysgol y cynnyrch wedi creu argraff arnynt, ynghyd â’r cynllun busnes da a gyflwynwyd gan y disgyblion. 

Meddai Judith Alexander, Rheolwraig Zôn o’r Ganolfan Dysgu Entrepreneuraidd ym Mhrifysgol Glyndŵr: “Fe wnaeth yr holl ddisgyblion a gymrodd ran fwynhau eu hunain i’r eithaf, ac roedd yn bleser eu croesawu nhw yma.

“Cafodd y beirniaid eu plesio’n arw gan yr holl syniadau a gyflwynwyd iddynt, ond yn y pen draw roedd yn rhai i ni ddewis enillydd. Er, profodd y digwyddiad fod yna ddigonedd o entrepreuneriaid ifanc gaddawol yn ardal Wrecsam.

“Gobeithio fod y myfyrwyr wedi elwa o’r diwrnod. Rhoddodd brofiad o fywyd prifysgol iddyn nhw a’u cyflwyno i’r syniad fod cychwyn eu busnes eu hunain yn gallu bod yn ddewis gyrfa iddynt.” 

Trefnwyd y digwyddiad gan y Ganolfan Dysgu Entrepreneuraidd ym Mhrifysgol Glyndŵr mewn partneriaeth ag Ymestyn yn Uwch, Ymestyn yn Ehangach, grŵp addysgol sy’n anelu i gynyddu cyfranogiad addysg uwch yng Nghymru.

Meddai Sarah Al-Assaf, Swyddog Cydlynu Ardal ar gyfer Ymestyn yn Ehangach: "Mae’r prosiect Ymestyn yn Ehangach yn anelu i gysylltu â dysgwyr ifanc mewn ysgolion lleol i godi ymwybyddiaeth ac uchelgeisiau ynghylch mynd ymlaen i addysg uwch, a’u helpu i gyflawni eu potensial eu hunain.

“Roedd y myfyrwyr wedi meddwl am rai syniadau busnes gwych, ac wedi rhywfaint o nerfusrwydd i ddechrau, fe wnaethon nhw fwynhau rhoi cyflwyniad i’r dreigiau!”