Dilyn y Fflam

Ymwelodd Tom James, a enillodd fedal aur yn y gêmau Olympaidd, â Phrifysgol Glyndŵr i lansio menter newydd i ddathlu Olympiaid gorau Cymru. 

Lansiodd y gŵr ifanc 24 oed, oedd yn rhan o’r tîm pedwar heb lywiwr a rwyfodd i fuddugoliaeth dros Brydain yn y gêmau Olympaidd ym Mhrydain eleni, y fenter Dilyn y Fflam yng nghanolfan chwaraeon y Brifysgol. 

Mae’r fenter Cymru-gyfan yn arddangosfa newydd sy’n adrodd hanes cysylltiad Gymru gyda’r gêmau Olympaidd ac yn dathlu campau Olympiaid Cymreig sy’n aml wedi mynd yn angof.

Cafodd plant a phobl ifanc o Wrecsam a’r ardal gyfagos weld medal aur Tom a chyfle i holi cwestiynau iddo am ei gamp.

Meddai Tom: “Rydw i’n falch o fod yn Gymro, yn falch o fod yn Brydeinig, ac mae hwn yn brosiect ardderchog – yn union y math o beth sydd ei angen arnom wrth ddynesu at y gêmau Olympaidd yn Llundain yn 2012.

“Enillodd Llundain y gêmau Olympaidd trwy gyflwyniad y tîm cais a Seb Coe, oedd yn gaddo y byddai’r gêmau yn dod ag etifeddiaeth barhaol ac yn ysbrydoli pobl ifanc – rhywbeth nad yw gêmau eraill wedi’i wneud. 

“Mae’n wych cael rhywbeth a fydd yn dod â chwaraeon ac addysg ynghyd.

“Pan oeddwn i allan yn Beijing wnes i ddim meddwl mewn difri am yr impact ’nôl adre, ond mae wedi bod yn gadarnhaol iawn.

“Erbyn hyn mae gennym brosiectau buddiol y mae pawb ym Mhrydain yn anelu i fod yn gysylltiedig â nhw wrth ddynesu at 2012.

“Roedd ennill medal aur Olympaidd yn brofiad mor unigryw. Tydi’r gamp heb suddo i mewn yn iawn eto, ond mae’n bendant yn deimlad arbennig iawn.” 

Yn ogystal ag athletwyr, mae’r arddangosfa Dilyn y Fflam yn edrych ar, trwy eiriau a delweddau, y rheiny sydd wedi mynychu gêmau mewn swyddi eraill, fel swyddogion, hyfforddwyr, gweinyddwyr, gwirfoddolowyr a gwylwyr.

Mae’n cael ei arwain gan Wasanaeth Treftadaeth Cyngor Bwrdeistref Sirol Wrecsam.

Meddai’r Cynghorydd Bob Dutton OBE, aelod blaenllaw ar gyfer Cymunedau a Pherfformiad: “Fe wnaeth y Gêmau Olympaidd a Pharalympaidd a gynhaliwyd yn Beijing eleni gipio calonnau a dal dychymyg pawb oedd yn byw yng Nghymru a’r DU gyfan.

“Mae’r ffaith i Wrecsam arwain y ffordd trwy Gymru gyfan wrth ddathlu nid yn unig ein llwyddiannau yng Ngêmau Beijing, ond campau a llwyddiannau pobl Cymru, yn rhywbeth i’w longyfarch.”