Tirfesur Preswyl
Tystysgrif Broffesiynol mewn Tirfesur Preswyl
Mae’r Dystysgrif Broffesiynol mewn Tirfesur Preswyl yn cwmpasu arfer proffesiynol, datblygiad proffesiynol, iechyd a diogelwch cymhwysol, mesur adeiladau ac offer ymchwil ar gyfer tirfesur. Y mae hefyd yn cynnwys adnabod ffurfiau adeiladaeth, diffygion, hel gwybodaeth ar gyfer adroddiadau ar gyflwr tai ac asesu perfformiad ynni cartref.
Bydd y rhaglen yn eich paratoi i ymgymryd â’r Diploma Arolygwyr Cartrefi neu’r cymhwyster Asesydd Ynni Cartref trwy gwmpasu gwybodaeth a dealltwriaeth VRQ4.
Nodweddion arbennig
- Cyfleoedd ar gyfer tiwtorialau unigol.
- Mae’r rhaglen yn eich galluogi i fod yn aelod o Gymdeithas y Peirianwyr Adeiladu a’r Sefydliad Siartredig Adeiladu ar lefel gyfrannog neu gorfforaethol, yn dibynnu ar brofiad.
- Dolen â’r ganolfan asesu Arolygwyr Cartrefi.
Cyfleoedd gyrfaol
Os byddwch yn cwblhau’r cwrs yma yn llwyddiannus dylech allu cyflwyno eich hun i gael eich asesu i fod yn arolygydd cartrefi trwyddedig. Mae hyn hefyd yn berthnasol i’r asesiad i fod yn asesydd ynni cartref.
Cynnwys y cwrs
- Technoleg Adeiladaeth
- Datblygiad Personol
- Rheolaeth Iechyd a Diogelwch
- Tirfesur Ymarferol
- Asesiad Ymarferol Arolygydd Cartref
Asesu
Mae pob asesiad ar gyfer y Dystysgrif yn ymarferol. Mae’r Diploma Arolygydd Cartrefi/Asesydd Ynni yn asesiad allanol sy’n seiliedig ar dystiolaeth gwaith ymarferol wedi’i ddilyn gan arholiad.
Gofynion mynediad
Disgwylir i chi gael eich cyflogi mewn maes perthnasol a bod â phrofiad o eiddo preswyl.
Hyd y cwrs
Rhan amser: 1 mlynedd