Ymarfer Clinigol Uwch

Hyd y cwrs

Rhan-amser
MSc: 3-5 mlynedd
Diploma Uwchraddedig: 2-3 blynedd
Tystysgrif Uwchraddedig: 1 flynedd
Lleoliad: Wrecsam
Dyddiad dechrau: Mis Medi

Cyn i chi gael cynnig lle ar y cwrs yma, bydd gofyn i chi gwblhau ffurflen Swyddfa Cofnodion Troseddol (CRB) a thalu’r ffi briodol, fel y gellir gwirio a ydych yn addas i weithio gyda phlant ac oedolion bregus.  

Prif ffeithiau

• Mae’r cwrs yn paratoi ymarferwyr ar gyfer swyddi clinigol uwch mewn ystod o ymarfer gofal iechyd trwy eu galluogi i ddatblygu sgiliau mewn asesu clinigol, diagnosis a thriniaeth, barn glinigol a gwneud-penderfyniadau ac ymchwil.
• Cewch ddewis rhwng ymgymryd â’r Rhagnodi Annibynnol/Atodol ar gyfer Nyrsys a Fferyllwyr (V300) neu’r Rhagnodi Atodol ar gyfer Gweithwyr Proffesiynol Iechyd Cysylltiol, ac ar ôl eu cwblhau yn llwyddiannus byddwch yn gallu cofnodi’r cymhwyster hwnnw gyda’ch corff rheolaethol
• Os oes gennych gymhwyster rhagnodi yn barod, fe allech gael credyd am eich dysg blaenorol
• Os nad yw eich datblygiad gyrfaol yn gofyn i chi gwblhau rhaglen Meistr lawn, fe allech adael gyda’r Tystysgrif Uwchraddedig â ffocws clinigol neu ffocws arweinyddiaeth glinigol ehangach y Diploma Uwchraddedig

Cyfleoedd gyrfa

Os cwblhewch y cwrs yn llwyddiannus byddwch yn gallu ymgeisio am swyddi clinigol uwch mewn ystod o feysydd ymarfer. Byddwch hefyd yn gallu gwella eich perfformiad yn y swydd yr ydych yn gweithio ynddi eisoes.

Cynnwys y cwrs

Nod cyffredinol y wobr Meistr yw galluogi gweithwyr proffesiynol:

• I ddatblygu gwybodaeth a dealltwriaeth systematig a beirniadol o’u maes ymarfer arbenigol
• I ddatblygu ymwybyddiaeth feirniadol o broblemau cyfredol, gan gael mewnwelediadau newydd ar flaen eu maes i ymarfer gofal uwch neu liniarol sy’n galluogi datblygiad strategol ymarfer a gwybodaeth ymarfer
• I alluogi ymarferwyr i hysbysu, hybu a datblygu eu cymhwysedd o fewn eu maes ymarfer
• I arddangos ysgolheictod uwch yn eu maes pwnc trwy gynllunio a gweithredu ymholiad Lefel 7 

Mae strwythur y rhaglen yn seiliedig ar 50% o theori a 50% o ymarfer wedi’u rhannu’n gyfartal yn ystod oriau’r rhaglen. Mae hyn ar yr amod y bydd y myfyrwyr yn treulio 6oo awr dros Ran 1 o’r rhaglen yn dysgu yn eu lleoliad gwaith. Cyflenwir Rheolaeth Gofal Uwch blaenllaw dros gyfnod o dri semester er mwyn galluogi ymarferwyr i fwyhau’r cyfleoedd ar gyfer myfyrdod beirniadol a dysgu seiliedig-ar-waith.

Modiwlau’r cwrs

Mae modiwlau craidd y rhaglen yn cynnwys:

• Asesu Clinigol, Diagnosis a Rheolaeth Gofal Cyfannol
• Rheolaeth Gofal Uwch blaenllaw
• Polisi ac Ymarfer mewn Hybu Iechyd Uwch
• Dulliau Ymchwil mewn Iechyd a Gofal Cymdeithasol
• Traethawd hir

Gellir dewis hyd at 40 credyd o fodiwlau opsiynol:

• Gofal Lliniarol: Rheoli Symptomau (20 credyd)
• Modiwl Trafodedig ar lefel 6 neu 7 (20 credyd)
• Rhagnodi Annibynnol neu Atodol (40 credyd)
• Cefnogaeth Seicogymdeithasol mewn Gofal Lliniarol (20 credyd)
• Moeseg Gwneud-Penderfyniadau mewn Gofal Lliniarol (20 credyd)
• Mentora a Grymuso (20 credyd)
• Naratifau: Theori a Dull (20 credyd)
  

Gofynion mynediad

Er mwyn cael eich derbyn ar y rhaglen yma, mae’n rhaid i chi:

• Fod â chofrestriad cyfredol gyda chorff rheolaethol statudol, proffesiynol yn ymwneud â’ch maes chi o ymarfer uwch
• Bod â gradd, dosbarth 2:2 neu uwch, mewn disgyblaeth sy’n ymwneud â’ch cymhwyster proffesiynol neu’n meddu ar gymhwyster anraddedig a ystyrir gan y Brifysgol i fod o safon boddhaol er diben mynediad uwchraddedig. Gofynnir i ymgeiswyr heb radd anrhydedd lawn 2:2 neu uwch gwblhau traethawd 1500 o eiriau
• Bod ag o leiaf tair blynedd llawn amser (neu gyfnod cyfatebol pro rata) o brofiad clinigol ôl-gofrestru o gael eich cyflogi mewn swydd glinigol gyda lefel uchel o hunanreolaeth neu fod â chefnogaeth eich cyflogwr i sicrhau lleoliad gydag amser gwarchodedig cyfatebol i’r uchod o leiafswm o ddeuddydd yr wythnos
• Os yn ymgymryd â’r cymwysterau Rhagnodi, mae’n rhaid i chi fod ag Ymarferydd Meddygol Goruchwyliol Penodedig (DSMP)/Goruchwylydd Meddygol a chefnogaeth mentoriaeth glinigol gan y corff sy’n eich cyflogi
• Ar ôl i chi gwblhau ffurflen gais, fe’ch gwahoddir i fynychu cyfweliad gyda’r tîm derbyniadau

Asesu

Asesir pob modiwl gan ddefnyddio amrywiaeth o ddulliau asesu. Mae asesu ymarfer yn seiliedig o fewn modiwlau penodol a bydd yn cynnwys portffolio ymarfer yn cynnwys adroddiadau myfyriol ac astudiaethau gofal/cynlluniau rheolaeth clinigol. Bydd arholiadau aml-ddewis dibaratoad yn profi eich sylfaen wybodaeth mewn pynciau megis pathoffisioleg a ffarmacoleg.

Ceir Arholiadau Clinigol Strwythuredig (OCSEs) i brofi sgiliau seicomodurol a sgiliau gwneud penderfyniadau. Byddwch hefyd yn cael eich profi trwy aseiniadau theori ysgrifenedig. Bydd y rhain yn ategu eich gwybodaeth, yn ogystal â’r ymchwil glinigol/prosiect datblygu ymarfer gyda chynnig gwerthuso. Mae ymgymryd â’r ymchwil yma yn profi canlyniadau sy’n ymwneud ag ymchwil.