Systemau Ynni Adnewyddadwy a Chynaliadwyedd

Prif ffeithiau

• Datblygwyd y cyrsiau hyn mewn ymgynghoriad â diwydiant ac mae ganddynt gysylltiadau cryf â sefydliad fferm wynt sy’n cefnogi prosiectau ar raddfa genedlaethol. Bydd cyfleoedd ar gael i chi deilwra eich gwaith ymchwil i waith y sefydliad hwn
• Mae’r Brifysgol wrthi’n ceisio cael achrediad ar gyfer y cyrsiau hyn gan y Sefydliad Peirianneg a Thechnoleg (IET)
• Mae tîm y cwrs yn ymfalchïo yn ei staff brwdfrydig ac ymroddedig, ac fe gânt eu gwerthfawrogi’n fawr am ansawdd y cymorth a ddarperir i fyfyrwyr. Mae'r holl staff wrthi’n ymchwilio yn ogystal â dysgu
• Mae gan dîm y cwrs gysylltiadau cryf â diwydiannau, cyrff proffesiynol a llawer o brifysgolion eraill, ac mae cyrff proffesiynol yn ymweld â ni yn rheolaidd mewn perthynas ag achredu cyrsiau
• Mae cymhwyster Meistr mewn peirianneg bellach yn angenrheidiol os ydych yn dymuno bod yn Beiriannydd Siartredig
• Cewch brofiad o ddatblygiadau technolegol blaenllaw mewn technoleg drydanol ac electronig
• Cyfleusterau TG ac offer dadansoddi tra modern, a’r rheiny yn cefnogi elfennau ymchwil y radd yn ogystal â’r elfennau a ddysgir

Mae polisi'r Llywodraeth yn annog y diwydiant ynni i ymchwilio a datblygu ynni adnewyddadwy a chynaliadwy er mwyn lleihau allyriadau CO2, gan greu galw am raddedigion lefel Meistr sydd â gwybodaeth am y datblygiadau diweddaraf ym maes ynni adnewyddadwy, yn enwedig yn sgil y nifer cynyddol o ffermydd gwynt ar y môr ac ar y tir a godwyd i gyrraedd y targed ynni gwyrdd.

Bydd eich astudiaethau craidd yn cynnwys defnyddio systemau rhyngwynebu ynni i gysylltu offer cynhyrchu ynni adnewyddadwy ar raddfa ddiwydiannol (yn enwedig ynni gwynt ac unedau ynni solar) â rhwydweithiau dosbarthu megis y Grid Cenedlaethol. Mae'r MSc yn astudio cynhyrchu a defnydd effeithlon ar ynni trydan o bŵer yr haul a'r gwynt, electroneg pŵer ar gyfer systemau ynni modern, dadansoddi sefydlogrwydd a rheoli ynni gweithredol.

Mae modiwlau eraill yn ymdrin â materion amgylcheddol ehangach, gan gynnwys asesu pa mor ymarferol yw cynlluniau peirianyddol newydd. Mae modiwlau eraill yn cael eu tynnu o ddetholiad o astudiaethau trydanol ac electroneg. Mae'r cwrs MRes yn gwrs Meistr wedi’i arwain gan ymchwil, ac mae’n cynnig cyfle i chi ddewis opsiynau arbenigol o'r MSc yn y maes hwn, ynghyd â phrosiect ymchwil mawr.

Cyfleoedd gyrfa

Mae'r Cyngor Peirianneg yn awr yn ei gwneud yn ofynnol i Beiriannydd Siartredig fod â chymwysterau hyd at lefel Meistr neu gyfwerth, felly ni fu erioed amser gwell i ystyried astudio ar gyfer cymhwyster Meistr mewn peirianneg.

Mae'r cwrs hwn wedi ei deilwra i ddiwallu anghenion cyflogwyr yn yr ardal hon, gan eich galluogi i gael dyrchafiad gyrfa neu arbenigo mewn ynni adnewyddadwy.

Cynnwys y Cwrs

MSc Systemau Ynni Adnewyddadwy a Chynaliadwyedd

• Dulliau Ymchwil
• Dylunio a Datblygiadau Newydd Cynaliadwy
• Ynni a’r Amgylchedd: Polisïau ac Economeg
• Pŵer Trydanol a Chynhyrchu Gwasgaredig

Opsiynau:

• Gyriannau Trydanol ac Electroneg Ynni Uwch
• Systemau Rheoli Uwch
• Dylunio Systemau Gosodedig

MRes ynni adnewyddadwy a chynhyrchu gwasgaredig

• Systemau Rheoli Uwch
• Gyriannau Trydanol ac Electroneg Ynni Uwch
• Dylunio Systemau Gosodedig
• Adnoddau Ynni, Polisi ac Economeg Amgylcheddol
• Dylunio a Datblygiadau Newydd Cynaliadwy

Gofynion mynediad

Cynlluniwyd y cyrsiau hyn fel llwybr ymlaen o radd israddedig gysylltiedig. Os oes gennych ddiddordeb yn y cwrs ond yn ansicr a fedrwch ymgeisio ai peidio, yna mae croeso cynnes i chi gysylltu â ni. Os oes gennych ddiddordeb yn yr opsiwn MRes, yna dylech hefyd fod â phrofiad perthnasol o ddatblygu prosiect drwy eich cymhelliant personol eich hun.

Asesu

Cewch eich asesu trwy gydol eich cwrs drwy amryw o ddulliau gan gynnwys portffolios, cyflwyniadau ac, ar gyfer rhai pynciau, arholiadau.