Iechyd Cyhoeddus

Mae’r ymagwedd iechyd cyhoeddus yn ddi-ben-draw. Mae’n ymwneud â materion eang megis penderfynyddion iechyd ac effaith tai, cynllunio trefol, globaleiddio neu ddiweithdra ar iechyd cymdeithas, yn ogystal â mynd i’r afael ag afiechyd, ymestyn bywyd a newid ffordd o fyw unigolion. Gan hynny, mae iechyd cyhoeddus yn gofyn am weithlu amlddisgyblaethol medrus, sy’n dod o ystod eang o asiantaethau, i weithio gyda chymunedau er mwyn gwella iechyd yn ei synnwyr ehangaf.

Mae’r cwrs yma yn ddelfrydol ar gyfer ystod eang o ymarferwyr awdurdodau iechyd a lleol sy’n ceisio gwella eu gwybodaeth a’u sgiliau o fewn maes iechyd cyhoeddus. Bydd y cwrs yma o fudd i unrhyw un sydd â diddordeb mewn agweddau ac ymyriadau wedi’u cynllunio i wella iechyd poblogaethau yn fyd-eang, yn y DU ac ar lefelau unigol a chymunedol.

Prif ffeithiau

• Addaswch eich cwrs o amgylch eich swydd bresennol gyda’n hopsiynau astudio hyblyg a hyd at 5 mlynedd i’w cwblhau
• Rydym yn cynnig mynediad i iechyd cyhoeddus a hybu iechyd Ewropeaidd trwy’r ysgol haf Ewropeaidd
• Mae ein cyrsiau wedi eu gyrru gan y cymwyseddau craidd ar gyfer ymarfer iechyd cyhoeddus a’r Safonau Galwedigaethol Cenedlaethol ar gyfer Ymarfer Iechyd Cyhoeddus, a fydd yn helpu i’ch darparu ar gyfer cofrestru
• Mae ein tiwtoriaid yn arbenigwyr mewn iechyd cyhoeddus, hybu iechyd, iechyd galwedigaethol ac amgylcheddol, diogelu iechyd, hybu iechyd Ewropeaidd, iechyd a gofal cymdeithasol, a gweithio gyda phartneriaid
• Mae gennym ystod o ddarlithwyr gwadd ac anrhydeddus lleol, cenedlaethol a rhyngwladol sy’n cyfrannu at ac yn cyfoethogi’r cyrsiau a’r cwricwlwm
• Mae ein cwrs yn adlewyrchu amrywiaeth y gweithlu iechyd cyhoeddus a’r pwyslais ar weithio mewn partneriaeth, ymgysylltiad cymunedol a chyfiawnder mewn iechyd
• Defnyddiwch y wybodaeth a’r sgiliau y byddwch yn eu datblygu ar y rhaglen MIC i’ch helpu i gofrestru ar Gofrestr Iechyd Cyhoeddus y DU (UKPHR) http://www.publichealthregister.org.uk/

Rydym wedi ymestyn y rhaglen MIC yn ddiweddar ac hefyd yn cynnig:

• Opsiynau astudio modiwl yn unig
• Sylfeini mewn Iechyd Cyhoeddus
• Ymchwil Iechyd Cyhoeddus
• Iechyd, Gofal Cymdeithasol a Lles
• Arweinyddiaeth mewn Iechyd Cyhoeddus
• Cyrsiau byrion
• Ymchwil Werthusol ar gyfer Ymarferwyr

Er mwyn eich helpu i ddatblygu eich sgiliau academaidd ac ymarferydd ymhellach, gwella meysydd o arbenigedd a’ch cynorthwyo i gofrestru gyda Chofrestr Iechyd Cyhoeddus y DU (UKPHR). Mae mwy o gyrsiau byrsion wrthi’n cael eu datblygu felly gwiriwch gydag arweinydd y rhaglen am y manylion diweddaraf.

Cyflenwir y cwrs gan dîm profiadol ac amlddisgyblaethol o arbenigwyr o feysydd Iechyd Galwedigaethol, Iechyd Amgylcheddol, Cymdeithaseg, Seicoleg, Ystadegau, Epidemioleg, Gwaith cymunedol, Nyrsio a Diogelu Iechyd. Yn ogystal, mae ystod o ddarlithwyr gwadd ac anrhydeddus lleol, cenedlaethol a rhyngwladol yn cyfrannu at y rhaglen.

Hyd y cwrs

Llawn-amser: 1 flynedd

Rhan-amser: 2 - 5 mlynedd

Lleoliad: Wrecsam

Mis dechrau: Medi

Mae addysgu ar gyfer astudiaeth ran-amser yn gofyn i chi fynychu’r Brifysgol un prynhawn yr wythnos (Dydd Mercher 1-7pm ar hyn o bryd ac eithrio’r flwyddyn gyntaf, yr ail semestr a fydd yr un amser Ddydd Mawrth) fel y gallwch astudio ochr yn ochr a gweithio a ymrwymiadau eraill. Mae addysgu ar gyfer astudiaeth lawn amser yn gofyn i chi fynychu’r Brifysgol ddau brynhawn yr wythnos.
Gwiriwch gyda’r Brifysgol ynglŷn â threfniadau diweddaraf yr amserlen addysgu gan fod y rhain bob amser yn gallu newid. 

* yn amodol ar gael ei ddilysu

Cyfleoedd gyrfa

Mae ein cwrs iechyd cyhoeddus wedi ei gynllunio i ddarparu pobl gyda’r sgiliau a’r wybodaeth angenrheidiol i weithio o fewn maes eang ac ehangol iechyd cyhoeddus, a thrwy hynny yn cynorthwyo dilyniant gyrfaol.

Modiwlau’r cwrs

• Sylfeini Iechyd Cyhoeddus
• Methodolegau mewn Iechyd Cyhoeddus
• Ymchwil Gymwysedig i Iechyd Cyhoeddus
• Iechyd a Lles
• Gwasanaethau Iechyd a Pholisi Cyhoeddus
• Iechyd Amgylcheddol a Diogelu Iechyd
• Traethawd Hir

Modiwlau opsiynol:

• Iechyd Amgylcheddol
• Iechyd Galwedigaethol
• Iechyd a Chymdeithas
• Gweithgarwch Corfforol ac Iechyd
• Newid Ymddygiad Cwnsela
• Maeth Iechyd Cyhoeddus
• Hybu Iechyd Ewropeaidd
• Gweithio mewn Partneriaeth a Chyfranogiad Cymunedol
• Arweinyddiaeth Iechyd Cyhoeddus

Gofynion mynediad

Gradd israddedig neu gyfatebol mewn pwnc iechyd neu gysylltiedig neu o leiaf bum mlynedd o brofiad perthnasol. Rydym hefyd yn croesawu ac yn annog pobl gyda graddau nad ydynt yn ymwneud ag iechyd, ac eraill sy’n gallu bodloni’r Brifysgol eu bod yn gymwys ac yn addas i ymgymryd â chwrs uwchraddedig. Gallwch wneud hyn trwy ddangos portffolio o dystiolaeth i gefnogi eich cais a dangos eich gallu i astudio ar lefel Meistr. Rydym yn croesawu ceisiadau o dramor.

Asesu

• Asesiadau ysgrifenedig
• Cyflwyniadau llafar
• Traethawd hir

Meistr mewn Iechyd Cyhoeddus - proffilau academaidd

Dr Lynne Kennedy PhD MPHil RPHNutr. Hon MFPHM (Cyfarwyddwraig y Cwrs)

Mae Dr Kennedy wedi gweithio mewn iechyd cyhoeddus GIG, Ewropeaidd ac academaidd ers bron i 20 mlynedd. Treuliodd Lynne 14 blynedd ym Mhrifysgol Lerpwl, ble bu’n ymwneud â’r rhaglen MIC ac y mae’n Aelod Anrhydeddus o’r Gyfadran Iechyd Cyhoeddus.
E-bost: l.kennedy@glyndwr.ac.uk

Dr Charlotte Emma Hilton PhD; CPsychol (Arweinydd y Rhaglen)

Mae Dr Hilton wedi gweithio mewn lleoliadau iechyd meddwl a chyhoeddus fel ymarferydd ac fel ysgolhaig ers dros 10 mlynedd. Y mae’n Seicolegydd Chwaraeon ac Ymarfer Corff Siartredig sy’n arbenigo mewn seicometreg, cynllunio a gwerthuso ymyrraeth iechyd cyhoeddus a chwnsela newid ymddygiad. Mae Charlotte hefyd yn aelod o’r Rhwydwaith o Hyfforddwyr Cyfweld Ysgogiadol (MINT).
E-bost: c.hilton@glyndwr.ac.uk

Bydd Charlotte a Lynne yn gallu rhoi mwy o wybodaeth i chi am y cwrs Meistr mewn Iechyd Cyhoeddus, gan gynnwys atebion i rai o’r cwestiynau a holir yn aml y gallai darpar fyfyrwyr eu gofyn am y cwrs.