Peirianneg Awyrennol

MSc Peirianneg Awyrennau
MRes Peirianneg Awyrennau

Maes peirianneg awyrennau yw un o’r rhai mwyaf amrywiol, technegol ddatblygedig a heriol i weithio ynddo. Gan fod y Deyrnas Unedig yn enwog am ei rhagoriaeth mewn peirianneg awyrennau, mae astudio i lefel Meistr yng Nghymru, sydd â hanes hir o beirianneg awyrennau, erbyn hyn yn gyfuniad pwerus iawn.

Mae peirianneg awyrennau hefyd yn faes peirianneg poblogaidd sy’n datblygu’n gyflym. Yn sgil y duedd fyd-eang i fod eisiau teithio ar gyflymder a'r dyluniad radical diweddar o gael awyrennau masnachol deulawr, dyma’r cyfnod mwyaf cyffrous a diddorol i astudio'r pwnc hwn hyd yma. Mae gan Brifysgol Glyndŵr gysylltiadau agos â'r diwydiant awyrofod gan gynnwys Airbus UK, sydd wedi helpu i deilwra’r cwrs i gwrdd â gofynion y diwydiant.

Prif ffeithiau

• Mae'r cyrsiau hyn yn eich galluogi i wneud cais i ddod yn aelod myfyrwyr o Sefydliad y Peirianwyr Mecanyddol (IMechE) a'r Gymdeithas Awyrennol Frenhinol (RAeS)
• Bydd y cyrsiau hyn yn sbarduno eich diddordeb mewn peirianneg awyrennau ac yn eich galluogi i ddatblygu cysyniadau newydd.
• Mae'r cyrsiau Meistr hyn yn canolbwyntio ar ymchwil a datblygu mewn meysydd megis dynameg hylif cyfrifiannol, dadansoddi elfennau cyfyngedig, dylunio, aerodynameg gymhwysol, adain gymysg, dyluniad strwythurau, lleihau sŵn aerodynamig a datblygu deunyddiau datblygedig.

Cyfleoedd Gyrfa

Bydd y cyrsiau yn rhoi cyfle i chi fynd ymlaen yn eich gyrfa i lefel rheoli. Efallai y byddwch hefyd am ystyried swyddi ymgynghori, ymchwil a datblygu neu brofi a dylunio o fewn y diwydiant awyrennau.
Mae Airbus yn enghraifft glasurol o gyflogwr sy’n rhagori yn y maes hwn ac sydd wedi’i leoli yng ngogledd Cymru.

Cynnwys y cwrs

MSc Peirianneg Awyrennau
• Dulliau a Chynllunio Ymchwil
• Dynameg Hylif Gyfrifiadurol Uwch
• Dadansoddiadau Rhifedd a Strwythurau Awyrofod
• Aerodynameg Gymhwysol
• Deunyddiau Awyrennol Datblygedig
• Opsiynau Traethawd Estynedig
• Technolegau Gweithgynhyrchu Uwch
• Dynameg a Rheoli Hedfan

MRes Peirianneg Awyrennau
• Byddwch yn astudio sawl dewis o’r modiwlau a restrir ar gyfer y cwrs MSc, ynghyd â'ch prosiect ymchwil helaeth eich hun.

Gofynion mynediad

Gradd anrhydedd gydag o leiaf dosbarth 2:2 neu gyfwerth mewn disgyblaeth beirianneg briodol neu brofiad proffesiynol perthnasol.

Asesu

Cewch eich asesu trwy gydol eich cwrs drwy amryw o ddulliau gan gynnwys portffolios, cyflwyniadau ac, ar gyfer rhai pynciau, arholiadau.