Darlunio ar gyfer Cyhoeddiadau Plant

MA Darlunio ar gyfer Cyhoeddiadau Plant

Mae hwn yn gwrs Meistr unigryw sydd nid yn unigyn delio gyda thechnegau darlunio a sgiliau lluniadu ond hefyd yn edrych ar gymhlethdodau dilyniant naratif, dweud stori a dylunio cymeriadau. Trwy ddewis y cwrs arbenigol yma byddwch yn cael gwerthfawrogiad llawn o hyd a lled yr adran helaeth, hynod gystadleuol a dyrys yma diwydiant dylunio. Mae’r rhaglen hon yn cael llawer iawn o gefnogaeth gan  ddarlunwyr a chyhoeddwyr plant blaenllaw, felly mae’r rhagolygon cyflogaeth ar gyfer graddedigion yn rhagorol.

Yn Ysgol Gelf a Dylunio Prifysgol Glyndŵr, ein nod yw i chi ddatblygu mwy na dim ond eich sgiliau artistig. Mae’r Ysgol yn cynnig arbenigaethau mewn animeiddio, darlunio cyffredinol, amlgyfryngau, nofelau graffeg a dylunio graffeg yn ogystal â lefelau uwch o dechnoleg gwybodaeth, sgiliau busnes, proffesiynol a threfniadaethol a chyfathrebu. Mae gan raddedigion Prifysgol Glyndŵr gofnod rhagorol o gyhoeddi gwaith a chael eu cyflogi o fewn meysydd cyflenwol gêmau cyfrifiadurol, amlgyfryngau a nodweddion arbennig animeiddio.   

Nodweddion arbennig

• Mae gan y radd gwricwlwm lluniadu ‘traddodiadol’, yn arbennig o ran lluniadu ffigurau, anthropomorffiaeth a datblygucymeriadau.
• Mae yna hefyd ffocws galwedigaethol cryf gyda theithiau tramor perthnasol, megis yr Ŵyl Llyfrau Plant ryngwladol yn Bologna ac ymweld â chyhoeddwyr yn Llundain.
• Mae gan Ysgol Gelf a Dylunio Gogledd Cymru gysylltiadau masnachol rhagorol gyda chyhoeddwyr Prydeinig blaenllaw, yn seiliedig ar ein henw da am safonau proffesiynol uchel.
• Rydym yn cael llwyddiant blynyddol mewn cystadlaethau darlunio a dylunio cenedlaethol.
• Byddwch yn cael y cyfle i ymgymryd ag astudiaethau dylunio yng Ngwlad Pwyl fel rhan o’r cwrs.
• Mae mynediad i ddisgyblaethau dylunio eraill yn annog portffolios neilltuol a phroffesiynol iawn, gan ddarparu ar gyfer anghenion y diwydiant tra’n hyrwyddo cryfderau personol.
• Mae geithdai a chynlluniau ‘Artistiaid Preswyl’ o fewn ysgolion cynradd lleol ar gael i hoelio sylw a rhyngweithio gyda’r gynulleidfa darged.
• Addysgir y cwrs gan awduron ‘The Encyclopaedia of How to Write and Illustrate Children’s Books’, Quarto Publishing 2008.

Cyfleoedd gyrfaol

Daeth 100% o’n graddedigion Cyhoeddiadau Plant o hyd i waith neu’n ymgymryd ag astudiaethau pellach o fewn 6 mis ar ôl graddio: mae 44% yn rhedeg eu busnesau eu hunain.

Rydym yn anelu i sicrhau fod gan raddedigion Ysgol Gelf a Dylunio Gogledd Cymru borffolio o waith ac ystod o sgiliau sydd nid yn unig yn eu helpu i gael gwaith o fewn y diwydiant dylunio a chyfryngau, ond hefyd yn eu helpu i hybu eu gyrfaoedd a gweithio o fewn ystod o senarios gwaith. Rydym yn meddwl ei bod yn bwysig iawn fod myfyrwyr yn gallu gweithio’n rhyngwladol. 

Cynnwys y cwrs

Mae eich astudiaethau arbenigol wrth galon y cwrs yma. Ynghyd â chefnogaeth diwtorial, rydym yn darparu modiwlau mewn arfer a methodolegau ymchwil i’ch helpu chi ddod o hyd i a datblygu syniadau a themâu. Byddwch yn cael cyfleoedd i gydweithredu a gweithio gyda myfyrwyr o ddisgyblaethau eraill; gall hyn fod yn brosiect masnachol hefyd. Byddwch yn ymgymryd â thraethawd estynedig a chyflwyniad meistr. 

Asesu

Ar ddiwedd pob prif gyfnod, asesir eich gwaith yn gryno, ar ffurf beirniadaethau, seminarau, adolygiadau gan gyfoedion ac atborth unigol trwy diwtorialau. Mae asesu diwedd un y cwrs ar ffurf arddangosfa a sioe derfynol. Mae myfyrwyr hefyd yn cael y cyfle i arddangos eu gwaith yn allanol i’r Brifysgol. Mae arddangosfa y Dylunwyr Newydd yn Llundain yn un enghraifft. 

Gofynion mynediad

Mae’n rhaid i chi fod â gradd anrhydedd mewn pwnc perthnasol. Os ydych yn dymuno ymuno â’r cwrs ar adeg ac eithrio dechrau’r rhaglen trwy gario credydau lefel meistr presennol, bydd eithriadau o gyfnod cynnar y cwrs yn cael eu hystyried.

Hyd y cwrs

Llawn amser: 1 mlynedd
Rhan amser: 2-3 blynedd