Cwnsela a Seicotherapi

MA Cwnsela a Seicotherapi*

Dyma gyfle i ennill MA mewn cwnsela a seicotherapi sy’n canolbwyntio ar y person ac ar brofiad. Bydd yn eich paratoi i weithio gyda phobl ifanc ac oedolion mewn sefydliadau ac wrth weithio ar eich liwt eich hun.

Os ydych am hyfforddi fel cwnselydd sy’n rhoi’r person yn ganolog i’ch gwaith – os ydych am gynnig y posibilrwydd o gael perthynas empathig a dilys gan yn y pen draw ddarparu perthynas therapiwtig effeithiol - mae angen i chi brofi gwirionedd yr honiadau yn ymwneud â chwnsela person-ganolog drosoch eich hun.

Mae hynny'n golygu eich bod angen cwrs sy’n cyd-fynd â'r safbwynt person-ganolog. Mae addysg sy’n canolbwyntio ar berson yn hollbwysig i Brifysgol Glyndŵr. Yn y cwrs hwn, mae’r cyflenwi a’r cynnwys wedi’u trwytho yn nealltwriaeth gyfoes y theori ac ymarfer a gyflwynwyd gan sylfaenwyr y ddamcaniaeth canolbwyntio-ar-y-cleient, sef Carl Rogers a'i gydweithiwr, yr athronydd a’r damcaniaethwr Eugene T. Gendlin:

• Derbyn yn empathig, peidio beirniadu, ac asesu sy’n onest ac yn ddidwyll er mwyn hwyluso potensial pobl. Gall y rhain ynddynt eu hunain fod yn ddigonol ar gyfer newid, gwella, a symud therapiwtig dwys.
• Mae symud therapiwtig yn fwy tebygol o ddigwydd, ac yn tueddu i fod yn gyflymach, pan fo unigolyn yn rhoi sylw gofalus a chyfeillgar funud-wrth-funud i’w profiad, yn ogystal ag i’r ffordd y caiff ei brosesu. Rhoddir pwyslais cyfartal ar y ddau agwedd hyn yn y traddodiad person-ganolog a chaiff chwarae a therapi mynegiant eu profi yng ngoleuni hynny. Caiff beirniadaethau eu hystyried hefyd. Rhoddir sylw i ddatblygiadau cyfoes megis y berthynas rhwng cwnsela ac ysbrydolrwydd; cysyniadau am y broses a sut mae'r rhain yn cysylltu â’r model meddygol; yn ogystal â phwysigrwydd therapiwtig tynerwch. At ei gilydd, mae'r cwrs yn eich paratoi ar gyfer eich lleoliadau clinigol, a chyflogaeth maes o law, yn gweithio gyda phobl ifanc ac oedolion naill ai mewn sefydliadau neu mewn lleoliadau mwy entrepreneuraidd.