Gwyddorau Chwaraeon ac Ymarfer

MRes Gwyddorau Chwaraeon ac Ymarfer

Mae’r radd MRes yma wedi ei chynllunio ar gyfer datblygiad proffesiynol parhaus ym maes gwyddor chwaraeon ac ymarfer. Mae’r radd wedi ei chynllunio ar gyfer myfyrwyr sy’n dymuno cyrraedd y brig yn y maes hwnnw.

Mae’r radd uwchraddedig hon wedi cael ei chynllunio i ddarparu cwrs hyblyg sy’n cynnwys modiwlau ymchwil ac a addysgir y gellir eu haddasu i’ch helpu i fynd ar drywydd y maes sydd o ddiddordeb i chi. Fel rhan o’r cwrs, byddwch yn cael y cyfle i gwblhau modiwl dysgu trafodedig sy’n eich galluogi i addasu eich gradd i gydfynd â’ch pwnc o ddiddordeb neu nod gyrfaol penodol. Er enghraifft, fe allech ddymuno ymgymryd â lleoliad cymwysedig wrth baratoi ar gyfer Profiad Goruchwyliedig BASES; datblygu ystod o ddefnyddiau marchnata i gyhoeddi digwyddiadau iechyd/ffitrwydd; neu gwblhau achos astudiaeth seiliedig-ar-waith. 

Pwrpas elfennau craidd y rhaglen yw darparu hyfforddiant strwythuriedig mewn methodoleg ymchwil a sgiliau trosglwyddadwy a fydd yn hysbysu datblygiad cynnig ymchwil trefnus a dichonadwy. 

Prif ffeithiau

• Gall y modiwl dysgu trafodedig a’r traethawd hir ymchwil gael eu haddasu i gydfynd â’ch gyrfa neu weithle
• Mae elfennau a addysgir y rhaglen yn darparu hyfforddiant strwythuriedig mewn methodoleg ymchwil (ymchwil feintiol, ansoddol neu weithredol) a sgiliau trosglwyddadwy a gynlluniwyd i gefnogi ymchwiliad ymchwil•• Fe benodir tiwtor personol i chi yn unol â’ch nodau a’ch amcanion ymchwil a dewis pwnc traethawd hir
• Bydd dilyniant yn cael ei fonitro trwy gyfarfodydd ffurfiol ac anffurfiol gyda’r tîm goruchwyliol
• Cyfle i gael eich cefnogi gan dîm deinamig, â chymwysterau uchel gyda phrofiad ymchwil rhyngwladol
• Cyfleusterau chwaraeon rhagorol ar y campws gan gynnwys Labordy Perfformiad Dynol gydag offer tra modern; cae pob tywydd sylfaen-dŵr o safon rhyngwladol a neuadd chwaraeon fodern

Hyd y cwrs

Llawn-amser: 1 flynedd

Rhan-amser: 2 - 3 blynedd

Lleoliad: Wrecsam

Mis dechrau: Medi

Fe allai fod yn angenrheidiol i rai myfyrwyr gael gwiriad CRB yn dibynnu ar ffocws eu hastudiaeth annibynnol.

Cyfleoedd gyrfa

Mae’r radd unigryw yma wedi ei haddasu i ofynion penodol yr unigolyn, gan ei gwneud nid yn unig yn eithriadol o hyblyg ond hefyd yn berthnasol iawn yn y byd go iawn. Gallai’r MRes hefyd gael ei defnyddio fel sbringfwrdd i  PhD.

Modiwlau’r cwrs

• Dulliau ymchwil 1 – Meintiol
• Dulliau ymchwil 2 - Ansoddol
• Dulliau ymchwil 3 – Ymchwil Weithredol
• Modiwl drafodedig
• Traethawd hir

Gofynion mynediad

Gwahoddir ceisiadau gan y rheiny sydd â gradd anrhydedd dosbarth 2:2 (neu uwch) ym maes gwyddor chwaraeon ac ymarfer (neu ddisgyblaeth berthnasol). Mae’n bosib hefyd yr ystyrir cymhwyster anraddedig a lleiafswm o ddwy flynedd o brofiad sy’n berthnasol i’r maes astudio, ac sydd ar y cyd yn cael eu hystyried gan Brifysgol Glyndŵr i fod o safon boddhaol ar gyfer mynediad i radd Meistr Ymchwil.

Asesu

Asesir y modiwlau mewn amryw o ffyrdd gan gynnwys y cyfle i addasu rhai asesiadau i’ch gofynion eich hun.