Ynni Adnewyddadwy a Thechnolegau Cynaliadwy

BEng (Anrh) Ynni Adnewyddadwy a Thechnolegau Cynaliadwy

Mae galw mawr am genhedlaeth newydd o reolwyr, peirianwyr a thechnegwyr gwybodus. Mae eu hangen arnom i ennill y ras i ddatblygu rhaglenni a thechnolegau ynni effeithiol a chynaliadwy ar gyfer y dyfodol.

Rhoddwyd targed i’r Deyrnas Unedig i gael 15% o’i holl ynni – gan gynnwys o leiaf 30% o drydan – o ffynonellau adnewyddadwy erbyn 2020. Yn ôl y data diweddaraf sydd ar gael, roedd y trydan a gynhyrchid o ffynonellau adnewyddadwy yn 2009 yn cynrychioli 6.7% o gyfanswm cynhyrchiad trydan y DU, i fyny o 5.6% yn 2008 [ffynhonnell: yr Adran Ynni a Newid Hinsawdd (2010) Crynhoad o Ystadegau Ynni y Deyrnas Unedig].

Hefyd, mae Llywodraeth y Deyrnas Unedig yn uchelgeisiol yn ymroddedig i sicrhau lefelau sero o ran carbon ym mhob cartref newydd erbyn 2016.  Gyrfa yn y maes ynni adnewyddadwy yw un o’r ffyrdd mwyaf cadarnhaol ac uniongyrchol y gallwch chi gyfrannu at y frwydr yn erbyn newid yn yr hinsawdd a difrod amgylcheddol byd-eang.

Mae yna gynlluniau buddsoddi uchelgeisiol a gorchymyn gwleidyddol i lwyddo er mwyn cyflawni Cytundeb Kyoto a fabwysiadwyd yn 1997. Mae’r cwrs hwn yn annog myfyrwyr i ddysgu sut i wneud y gorau o gyfleoedd ar gyfer cynhyrchu carbon isel ac adnewyddadwy yn ogystal â microgynhyrchu a chynhyrchu ar raddfa gymunedol.

Ffeithiau allweddol

• Labordai dylunio â chymorth cyfrifiadurol, labordai electroneg modern, meddalwedd dynwared systemau gweithgynhyrchu arbenigol, labordai offeryniaeth o safon diwydiant, cyfleuster Rapid Prototyping sydd o safon diwydiant (dull dyddodi ymdoddedig)
• Labordy twnnel gwynt is-sonig a labordai deinameg thermohylifol llawn offer, gan gynnwys olwyn pelton a thyrbin francis sy’n gweithredu’n llawn
• Maint dosbarthiadau yn fach sy’n golygu cyngor a chefnogaeth gref yn y tiwtorialau ac wrth arbrofi yn y labordy
• Mae cyfleoedd ar gyfer ymweliadau diwydiannol i gwmnïau lleol
• Byddwch yn cael gwneud defnydd o becynnau meddalwedd safon diwydiant megis: Altium Designer, EWB Multisim, HP VEE, MATLAB & Simulink, ABAQUS, AutoCAD, Fluent, ProEngineer, SolidWorks
• Byddwch yn gymwys i ymuno â’r Sefydliad Ynni (EI) ac/neu’r Sefydliad Peirianneg a Thechnoleg (IET) ac/neu Sefydliad y Peirianwyr Mecanyddol (IMechE) ac/neu Gymdeithas y Peirianwyr Adeiladu (ABE), fel aelodau myfyrwyr, ar ôl talu ffi
• Os ydych ar yr FdEng byddwch yn gymwys i ymuno â’r Sefydliad Ynni (EI) ac/neu’r Sefydliad Peirianneg a Thechnoleg (IET) ac/neu Sefydliad y Peirianwyr Mecanyddol (IMechE) ar lefel Technegydd Peirianneg. Caiff darpar aelodau eu gwahodd i gyfweliad, a phennir ffioedd aelodaeth yn ôl gradd, statws a chyfrifoldebau

Cynnwys nodweddiadol y cwrs:

Mae sylfaen ein cyrsiau yn eang, er mwyn caniatáu i chi ddatblygu sgiliau a’r gallu i gyfrannu at gynllunio systemau a phrosesau ynni adnewyddadwy wrth ddiwallu gofynion y dyfodol ym marchnadoedd y Deyrnas Unedig ac yn fyd-eang.

Cyfleoedd gyrfa

Gallwch weithio fel peiriannydd dylunio graddedig mewn meysydd electroneg a lloeren, yn genedlaethol neu’n rhyngwladol, neu fynd i yrfa ymchwilio, astudio ymhellach ar lefel MSc, neu gael gyrfa yn dysgu neu’n darlithio.