Therapi Galwedigaethol

BSc (Anrh) Therapi Galwedigaethol

Therapi Galwedigaethol yw asesu a thrin cyflyrau corfforol a meddyliol drwy weithgarwch penodol, ystyrlon er mwyn atal anabledd a hyrwyddo annibyniaeth ym mhob agwedd ar fywyd bob dydd.

Prif nod Therapi Galwedigaethol yw cynnal neu adfer gallu’r person a gofynion eu swyddi. Mae therapyddion galwedigaethol yn gweithio gyda phobl o bob oed sydd ag anableddau corfforol, meddyliol, cymdeithasol ac anawsterau dysgu. Maent yn gweithio gyda phobl sydd â phroblemau cymhleth, pobl â mân anawsterau ymdopi a’r rhai sy’n gweithredu’n iawn ond yn dymuno cynnal a hyrwyddo eu lles eu hunain.

Bydd Therapydd Galwedigaethol yn asesu anghenion y person ac yna yn llunio rhaglen driniaeth a fydd yn galluogi’r person hwnnw i fyw mor annibynnol â phosibl. Caiff y triniaethau hyn eu hadolygu yn rheolaidd er mwyn gwerthuso cynnydd y person ac addasu’r driniaeth fel y bo angen.

Ffeithiau allweddol

Dyma’r unig radd therapi galwedigaethol ran-amser yng Ngogledd Cymru
Mae’r lleoliadau ymarfer yn ffurfio tua un traean o’r rhaglen ac fe gânt eu trefnu o fewn pellter teithio o’ch cartref lle bo hynny’n bosib. Mae un gweithdy preswyl penwythnos sydd wedi’i leoli’n ganolog
Mae’r cwricwlwm yn rhoi ystyriaeth gyfannol i ofal cleient gan integreiddio theori ag ymarfer
Gallwch fanteisio ar y bartneriaeth rhwng y cyrsiau Therapi Galwedigaethol a gynhelir ym Mhrifysgol Caerdydd a Phrifysgol Bangor, gan roi modd i chi gael mynediad at staff ac adnoddau corfforol ledled Cymru
Mae mynediad i’r cwrs radd yn dod ag aelodaeth myfyriwr awtomatig o’r Coleg Therapyddion Galwedigaethol (COT) yn ei sgil. Ar ôl cwblhau’r radd byddwch yn gymwys i wneud cais i gofrestru gyda’r Cyngor Proffesiynau Iechyd ac aelodaeth lawn o’r COT
Mae’r cwrs wedi ei gymeradwyo ar y gwerth uchel y mae’n ei roi ar gefnogi myfyrwyr yn eu hastudiaethau
Mae cyllid ar gael drwy Lywodraeth Cynulliad i dalu am ffioedd cwrs nifer o leoedd ar y rhaglen

Cyfleoedd gyrfa

Bydd graddedigion yn gallu cofrestru fel Therapydd Galwedigaethol gyda’r Cyngor Proffesiynau Iechyd, gan roi hawl iddynt weithio mewn amrywiaeth o sefyllfaoedd iechyd a gofal cymdeithasol yn y DU a thramor.

Cynnwys y cwrs

Cewch eich cyflwyno i’r prif themâu, athroniaethau, rolau a chyfrifoldebau sy’n gysylltiedig â Therapydd Galwedigaethol, gan ddatblygu sgiliau ymarferol yn ogystal â sgiliau generig, trosglwyddadwy. Wrth i chi symud drwy’r cwrs byddwch yn canolbwyntio ar themâu camweithredu ac ymyrraeth therapiwtig, integreiddio prosesau therapiwtig, ystyriaethau moesegol, athroniaethau rheoli a deddfwriaeth. Drwy gydol y cwrs byddwch yn mynd ar leoliadau ymarfer a fydd yn helpu i ddatblygu eich sgiliau asesu, cynllunio, ymyrryd a gwerthuso beirniadol.

Asesu

Defnyddir amrywiaeth o ddulliau asesu trwy gydol y cwrs gan gynnwys aseiniadau canolfan-seiliedig cleientiaid, traethodau, cyflwyniadau llafar a phoster, portffolios, traethawd estynedig ac arholiadau viva.

Gofynion mynediad

Mae’r cwrs wedi’i gynllunio ar gyfer myfyrwyr aeddfed ac ystyrir ceisiadau yn unigol ac yn ôl teilyngdod. Fodd bynnag, mae’n rhaid i chi fod wedi cwblhau Lefel-A TAG neu gymhwyster safonol cyfwerth cyn cychwyn y cwrs. Mae cymwysterau a ystyrir yn gyfwerth â Lefel-A TAG yn cynnwys Diploma Cenedlaethol BTEC (Gwyddoniaeth neu Astudiaethau Iechyd), GNVQ, cwrs mynediad neu fodiwlau Prifysgol Agored. Mae sgiliau technoleg gwybodaeth o fantais hefyd.

Os oes gennych gymwysterau ffurfiol gydag o leiaf 260 pwynt UCAS yn Lefel-A TAG neu gyfwerth, bydd angen i chi ddarparu tystiolaeth o brofiad gwaith/bywyd perthnasol yr un fath.

Y dyddiad cau ar gyfer derbyn ceisiadau am lefydd wedi’u hariannu yw’r 31ain o Ionawr 2012. Bydd ceisiadau a dderbynnir ar ôl y dyddiad hwn yn cael eu hystyried ar gyfer llefydd a hunan-ariennir.