Seicoleg

BSc (Anhr) Seicoleg

Seicoleg yw gwyddoniaeth y meddwl, a dywedir mai’r ymennydd dynol yw’r peiriant mwyaf cymhleth ar y ddaear. Mae’r radd hon yn agor y drws i astudiaethau eang ar ffynhonnell meddyliau ac ymddygiad.

Seicoleg yw astudiaeth o’r meddwl dynol ac ymddygiad pobl yn ogystal â’r syniadau, teimladau a’r cymhelliant sy’n sail i’r ymddygiad hwnnw. Mae’n un o’r ychydig bynciau sydd yn uniongyrchol berthnasol i fywyd pawb. Bydd gradd mewn seicoleg yn rhoi dealltwriaeth strwythuredig i chi ynghylch pam y mae pobl yn ymddwyn fel y maent.

Ffeithiau allweddol

• Mae’r radd hon yn cynnig astudiaeth gynhwysfawr o seicoleg gyfoes a hyfforddiant ar sylfaen wyddonol seicoleg. Caiff ei ddarparu gan staff profiadol a brwdfrydig
• Byddwch yn astudio amrywiaeth eang o themâu a mathau o seicoleg
• Mae’r cwrs gradd hwn wedi’i achredu gan Gymdeithas Seicoleg Prydain (BPS)
• Caiff y radd ei dysgu drwy gyfuniad o ddarlithoedd, seminarau, tiwtorialau, dosbarthiadau ymarferol, gwaith prosiect ac ymarferion cyfrifiadurol (e.e. mewn dulliau ymchwil ac ystadegau)
• Drwy gydol y cwrs byddwch hefyd yn datblygu sgiliau trosglwyddadwy cyflwyno yn llafar ac yn ysgrifenedig, cyfathrebu rhyngbersonol, arwain,
gwaith tîm a rheoli amser – sgiliau sydd oll yn hanfodol i lawer o yrfaoedd
• Bydd siaradwyr gwadd arbenigol ac ymweliadau allanol yn rhan o’r cwrs
• Mae’r cyfleusterau a ddefnyddir ar y cwrs yn cynnwys labordy seicometrig, labordai addysgu sydd â chyfleusterau cyfrifiadurol modern, lab perfformiad chwaraeon â thechnoleg uwch, ciwbicl arbrofion a labordy efelychu
• Mae yma ddiwylliant ymchwil sy’n ffynnu, ac sy’n ymdrin ag ystod eang o feysydd seicoleg, gan gynnwys seicoleg iechyd, seicoleg wybyddol, seicoleg gymdeithasol, a’r gwahaniaethau rhwng unigolion

Dysgu ymarferol mewn seicoleg

Cyfleoedd gyrfa

Mae gradd mewn seicoleg yn agor i amrywiaeth eang o yrfaoedd, gan gynnwys:

• Seicoleg addysg
• Seicoleg alwedigaethol
• Seicoleg iechyd
• Seicoleg cwnsela

Dewis arall yw mynd ymlaen i hyfforddiant ôl-raddedig, ymchwilio neu ddysgu.

Cynnwys nodweddiadol y cwrs:

Caiff natur wyddonol seicoleg ei bwysleisio trwy gydol y cwrs, gyda modiwlau penodol yn ymwneud â: seicoleg gymdeithasol, seicoleg ddatblygiadol, gwahaniaethau unigol, seicoleg wybyddol, a seicobioleg. Byddwch yn datblygu eich sgiliau ymchwil ac ystadegol drwy sesiynau ymarferol rheolaidd yn y labordy ac yn rhan olaf y cwrs byddwch yn cwblhau prosiect sylweddol ar bwnc o’ch dewis.