Dyfarniadau Prifysgol Glyndŵr

Mae Bwrdd Llywodraethwyr Prifysgol Glyndŵr wedi penderfynu rhoi cyfle i’r myfyrwyr sy’n graddio yr Hydref yma i fod ymhlith y graddedigion cyntaf i dderbyn dyfarniad  Prifysgol Glyndŵr.

Cwestiynau a holir yn aml

1 A wnes i dderbyn gradd Prifysgol Cymru neu radd Prifysgol Glyndŵr ym mis Hydref?

Mae’r seremoni yn gyflwyniad swyddogol o’ch gradd. Rydych wedi derbyn gradd Prifysgol Cymru (neu ddiploma neu dystysgrif) yn ystod y seremoni, ond bydd modd i chi dderbyn tystysgrif gradd Prifysgol Glyndŵr yn y dyfodol pe bai’n well gennych chi hynny na thystysgrif Prifysgol Cymru. Anfonwyd gwybodaeth ynghylch sut i wneud hyn at gyfeiriadau cartref graddedigion mis Hydref yn ystod yr wythnos a gychwynnodd ar y 7fed o Dachwedd 2011.

2 Pam fod hyn yn digwydd?

Yn 2011, penderfynodd Bwrdd Llywodraethwyr Prifysgol Glyndŵr ddyfarnu graddau a addysgir Prifysgol Glyndŵr yn hytrach na graddau a addysgir Prifysgol Cymru. Daeth y penderfyniad hwn yn sgil llwyddiant y Brifysgol i gael pwerau i ddyfarnu ei graddau a addysgir ei hun yn 2008.  

Mae’r tair blynedd diwethaf wedi bod yn bwysig i ddatblygiad Prifysgol Glyndŵr fel Prifysgol annibynnol a hunanlywodraethol yn ardal Gogledd Ddwyrain Cymru, Cymru ac yn rhyngwladol. Ers cael pwerau dyfarnu graddau yn 2008, rydym wedi mynd ati’n hyderus i roi hyn ar waith, a gweithredu’n llawn yr hawl i ddyfarnu ein graddau a addysgir ein hunain.  

Mae’r myfyrwyr a raddiodd ym mis Hydref 2011 ymhlith y cyntaf erioed i gofrestru fel myfyrwyr Prifysgol Glyndŵr a chredwn ei bod yn briodol i gynnig y cyfle i’r graddedigion hyn dderbyn dyfarniadau Prifysgol Glyndŵr.

Bydd pob myfyriwr/wraig sy’n cychwyn rhaglenni a addysgir yn y Brifysgol yn y dyfodol yn cael eu cofrestru ar raglenni sy’n arwain at ddyfarniadau Prifysgol Glyndŵr.

3 Beth sy’n digwydd ym Mhrifysgol Cymru?

Mae yna newidiadau yn digwydd ym Mhrifysgol Cymru, gyda chynlluniau i Brifysgol Cymru uno gyda Phrifysgol Y Drindod Dewi Sant a Phrifysgol Fetropolitaidd Abertawe i ffurfio Prifysgol newydd. Bydd y Brifysgol newydd yn dyfarnu graddau Prifysgol Cymru: Y Drindod Dewi Sant. Gweler datganiad i’r wasg Prifysgol Cymru yma.

4 Hoffwn drosglwyddo i radd (neu ddiploma neu dystysgrif) Prifysgol Glyndŵr; beth yw’r gwahaniaeth?

Cafodd eich rhaglen astudio ei chynllunio, ei chyflenwi a’i hasesu gan staff Prifysgol Glyndŵr. Mae’r rhaglen astudio hon wedi cael ei dilysu a’i chymeradwyo gan Brifysgol Cymru a Phrifysgol Glyndŵr, gan hynny yn eich galluogi i dderbyn dewis o ddyfarniadau.

5 Hoffwn dosglwyddo i ddyfarniad Prifysgol Glyndŵr, a fyddaf yn cael seremoni wobrwyo arall?

Na fyddwch, roedd y seremonïau graddio a gynhaliwyd ym mis Hydref 2011 tn ddathliad o’ch llwyddiant, wedi’u trefnu gan Brifysgol Glyndŵr. Bydd modd trefnu ffotograffau yn y dyfodol, o 2012, mewn gynau Prifysgol Glyndŵr.

6 A allaf ddewis derbyn dyfarniad Prifysgol Glyndŵr?

Gallwch ddewis derbyn dyfarniad Prifysgol Glyndŵr os gwnaethoch gymhwyso yn un o’r rhaglenni canlynol: Diploma Addysg Uwch; Tystysgrif Addysg Uwch; Gradd Sylfaen; Gradd Faglor; PGCE; Tystysgrif mewn Addysg; Tystysgrif i Raddedigion; Diploma i Raddedigion; Tystysgrif Uwchraddedig; Diploma Uwchraddedig; Gradd Feistr (MA; MSc; MBA; MPH; MTh; MRes). 

7 Beth yw statws gradd Prifysgol Glyndŵr?

Mae gan radd Prifysgol Glyndŵr yr un statws â gradd o unrhyw Brifysgol arall yn y DU. Dyfranwyd Pwerau Dyfarnau Graddau a Addysgir i Brifysgol Glyndŵr gan y Cyfrin Gyngor yn 2008. Gallwch weld fod Prifysgol Glyndŵr yn un o’r Cyrff Cydnabyddedig sy’n meddu ar eu pwerau dyfarnu graddau eu hunain yn y DU o’r rhestr o Gyrff Cydnabyddedig a gyhoeddwyd gan yr Adran Busnes, Arloesi a Sgiliau  http://www.bis.gov.uk/policies/higher-education/recognised-uk-degrees/recognised-bodies#Alpha_G

8 A oes angen i mi ymgynghori â’m noddwr cyn dewis derbyn gradd Prifysgol Glyndŵr?

Byddai’n ddoeth i chi ymgynghori â’ch noddwr. Awgryma profiad mewn sefydliadau eraill y byddai rhai noddwyr sydd wedi noddi myfyriwr/wraig i dderbyn gradd Prifysgol Cymru yn bryderus ynglŷn â’r myfyrwyr yn derbyn dyfarniad arall yn ei lle. Os na allwch gael ymateb gan eich noddwr cyn cyfnod y Brifysgol ar gyfer cadarnhau eich dyfarniad, cysylltwch ag awards@glyndwr.ac.uk

9 Rwyf wedi derbyn HND/HNC. A oes modd i mi ddewis derbyn dyfarniad Prifysgol Glyndŵr?

Nac oes, y corff dyfarnu ar gyfer y Dyfarniadau Cenedlaethol Uwch yw Edexcel, ac ni fydd hyn yn newid.

10 Derbyniais radd ymchwil (MPhil; PhD; Doethuriaeth Broffesiynol). A oes modd dewis derbyn dyfarniad Prifysgol Glyndŵr?

Prifysgol Cymru yw’r corff dilysu ar gyfer graddau ymchwil o hyd, felly nid oes opsiwn dewis dyfarniad Prifysgol Glyndŵr.

11 Pe bawn yn colli fy nhystysgrif gradd, a oes modd i mi gael un newydd? Ac a fydd yr un newydd yn gyfnewid am radd Prifysgol Glyndŵr?

Bydd modd derbyn tystysgrif yn ei lle. Bydd Prifysgol Cymru yn parhau i ddosbarthu graddau cyfnewid i raddedigion a dderbyniodd radd Prifysgol Cymru. Pe dewisoch ddyfarniad Prifysgol Glyndŵr, yna fe allech gael tystysgrif gyfnewid gan Brifysgol Glyndŵr.   

12 A oes dyddiad cau ar gyfer derbyn dyfarniad Prifysgol Glyndŵr?

Oes. Os na dderbyniwn ymateb gennych erbyn 5 Rhagfyr 2011, anfonir tystysgrif Prifysgol Cymru atoch yn ystod yr wythnos sy’n cychwyn ar 12 Rhagfyr. 

13 Pryd fuaswn yn derbyn tystysgrif Prifysgol Glyndŵr?

Cyn gynted ag y bydd wedi’i gadarnhau fod eich dyfarniad Prifysgol Cymru wedi cael ei ddirymu, bydd Prifysgol Glyndŵr yn ysgrifennu atoch i gadarnhau eich bod yn gymwys i dderbyn dyfarniad gan Brifysgol Glyndŵr. Bydd tystysgrifau Prifysgol Glyndŵr yn cael eu dosbarthu yn gynnar yn 2012.